ચાલો, ચરણ ઉપાડો!
સુરેશ દલાલ
.png)
સુરેશ દલાલ દ્વારા રચિત કવિતા "ચાલો, ચરણ ઉપાડો!" અહીં આપેલી છે:
ગુજરાતી કવિ સુરેશ દલાલ દ્વારા રચિત "ચાલો ચરણ ઉપાડો!" કવિતા વિશેની આ પોસ્ટ તમને પ્રેરણાત્મક ગુજરાતી કવિતાઓનો અનુભવ કરાવશે. આ લેખમાં, તમે "ચાલો ચરણ ઉપાડો કવિતા" ના સંપૂર્ણ ભાવને સમજી શકશો. ખાસ કરીને ધોરણ 7 ગુજરાતી કવિતાના સંદર્ભમાં પણ આ કાવ્યનો અભ્યાસ કરી શકાય છે. જો તમે "ચાલો ચરણ ઉપાડો કાવ્યગાન" શોધી રહ્યા હો, તો આ પોસ્ટ તમને માહિતી પૂરી પાડશે. સુરેશ દલાલના ગીતો અને તેમનો કવિતા સંગ્રહ હંમેશા ગુજરાતી સાહિત્યમાં મહત્વના રહ્યા છે. "હિમાચલના સમી અવિચલ ટેક કવિતા" અને "બંધુ ચાલો ચરણ ઉપાડો અર્થ" જેવા શબ્દો દ્વારા આ કાવ્યના ગહન સંદેશને જાણી શકાય છે.
ચાલો, ચરણ ઉપાડો!
કવિ: સુરેશ દલાલ
ભીડેલાં સૌ દ્વાર ઉઘાડો,
બંધુ! ચાલો, ચરણ ઉપાડો!
ભૂલી જઈને ભેદ આપણે એક થઈને ચાલો;
નેક થઈને ચાલો, વાયુનો વેગ લઈને ચાલો;
છોડી દઈને રંગરાગને, ભેખ લઈને ચાલો!
હિમાચલના સમી અવિચલ ટેક લઈને ચાલો!
અમનચમનનાં સમણાં કેરો સ્હેજે નહીં ફૂંફાડો!
બંધુ! ચાલો, ચરણ ઉપાડો!
અહીં ઊભા તો મોત: જશું તો જીવન જયજયકાર;
કોઈ રીતે પણ ત્યહીં પહોંચવું, પળપળનો પોકાર;
તનમનધનથી હે જનગણ! બસ, જવું એ જ નિર્ધાર.
ચાલો, ઝઝૂમો લઈ કંઠમાં વાઘ-સિંહની ત્રાડો!
બંધુ! ચાલો, ચરણ ઉપાડો!
શબ્દાર્થ
ચરણ - પગ
ભેખ -દીક્ષા લઈ સંન્યાસીનો વેશ ધારણ કરવો એ, સંન્યાસની દીક્ષા, વૈરાગ્ય,વિરક્ત કે સંન્યાસી થયેલ સાધુ
વાયુ - પવન
વેગ – ઝડપ
હિમાચલ - હિમાલય પર્વત
અમનચમન - મોજ મજા
સમણું - સપનું
જનગણ લોકોનો સમૂહ
કંઠ - ગળું
અવિચલ - વિચલિત થયા વગર
નિર્ધાર નિશ્ચય, ઠરાવ,મનની દૃઢતા
નેક - ન્યાયી, પ્રામાણિક
No comments:
Post a Comment